Saudi kaihhruaiin Yemen khawpuiah beihpui thlak

Saudi Arabia kaihhruai ṭangrual ramte chuan kar kalta Inrinni khan Yemen khawpui, Sanaa-a Houthi hel lakah beihpui an thlak chhunzawm leh. 

Houthi enkawl al-Masirah TV chuan ṭangrual ramte hian Inrinni zan aṭang khan ṭum 24 zet Houthi ho hmun an bei tih sawiin, air base pawh an kap tel tih a sawi. Sipai hmun bakah hian plastic factory-te pawh an kap tel a ni, a ti. 

Saudi kaihhruai ṭangrual ramte hian Yemen sorkar thlawpin kum 2015 aṭang khan sorkar laka hel, Houthi te lakah hian beihpui an thlak ṭan a, hospital, school leh bazar te bei telin beihpui thlaknaah hian civil mi sing tel an thi tawh a ni.