Israel-in US lawmaker pahnih An rama luh remti lo

Israel chuan Israel sorkar sawisel fo tu, US Democratic lawmaker pahnih Ilhan Omar leh Rashida Tlaib-te chu an ram tlawh a remti lo. 

Omar leh Tlaib-te hi Israel sorkar boycott movement thlawptute an ni a, karleh hian West Bank leh East Jerusalem tlawh an tum. Israel chuan he campaign thlawptute hi an rama an kal khap theihna dan a lo siam tawh a; hei vang hian US president Donald Trump chuan a twitter-ah, heng mi pahnihte hi Israel-in an rama kal a phalsak a nih chuan a chak lohna a tihlanna angah a ngaih tur thu a lo sawi tawh. Trump chuan, "Israel leh Juda mite hawtute an ni a, an rilru puthmang thlaksak tur hian engmah tih leh sawi theih a awm lo," a ti. 

Michigan-a piang Rashida Tlaib hi Palestinian thlah zingah US Congress member ni thei hmasa ber a ni. Ilhan Omar hi Minnesota mi a ni a, mahse Somalia rama piang a ni thung. Omar leh Tlaib-te hi Israel dodal a, sawisel fo ṭhin a ni a,  mahse hetichung hian Juda mite hawtu nia puhna  erawh chu an pha thung.