South Korea sawmna North Korea-in hnawl

North Korea chuan inremna zawnga inbiakna neihpui tura South Korea-in a sawmna chu a hnawlsak.

NKorea hian ram pahnih inkara buaina awm chu SKorea thiam loh a nih thu leh an chet lakna vang tih a sawi a, hemi a nih avang hian inremna zawnga inbe tura an sawmna pawh chu a hnawl a ni. NKorea hotupa Kim Jong-un chuan US leh SKorea-in joint military exercise an neih chu thil nuihzathlak tak a nih thu a lo sawi tawh bawk.

South Korea president Moon Jae-in chuan Ningani khan thuchhuah siamin NKorea hi inremna kawng zawnga inbiakna neihpuiah a sawm a, heihi NKorea lam hian chhanglet nghal vatin an hnawl tih hi an sawi a ni.

North Korea hian SKorea vau nan hian tunhnaiah missile an test fo a, kar liam ta Zirtawpni pawh khan missile pahnih ngawt an kapchhuak a ni. Thla khat chhungin missile hi paruk ngawt an test hman. Nimin pawh khan missile pahnih a enchhin leh nia sawi a ni bawk. 

US president Donald Trump leh North Korean leader Kim Jong-un-te hian June thla meeting an neih khan nuclear ralthuam tibo turin inremna an siam a, mahse hemi hnu hian NKorea hian ṭum eng emaw zat missile hi an test leh tawh thung.