Pakistan-in advertistment-ah India artist lanna tihchhuah phal tawh lo

Pakistan Electronic Media Regulatory Authority (Pemra) chuan Nilaini khan Indian artist-te lanna advertisement chu an ram chhunga tihchhuah a khap.

A khapna chhan hi India-in Jammu and Kash­mir special status a tih tawp sak vang a ni. Nikum October khan Pakistan Supreme Court chuan thupek lo ti chhuak tawhin, India channel leh content-te chu ti chhuak tawh lo tura phalna an neih thu Pemra chuan an tarlang. 

Electronic media kal­tlanga ram hrang hrang aṭanga advertisement rawn lutte hi India a siam a ni em tih leh India nunphung pholannate an ni em tih chu kan en thiltlai ber tur a ni, tiin Pemra thuchhuahah chuan a inziak.

Indian artist lanna advertisement tihchhuah khap zingah Dettol soap, Surf Excel powder, Pan­tene shampoo, Head & Shoulders shampoo, Life­buoy shampoo, Fogg body spray, Sunsilk shampoo, Knorr noodles, Sufi, Fair & Lovely face wash, leh Safeguard soap-te an tel.

Pakistan chhunga company-te chu an thil zawrha India nunphung leh kaihhnawih ti lang lo tura hrilh an ni a, an zawm lo a nih chuan hrem theih an ni bawk.