US Mideast Peace plan duh loin Palestinian-ten lungawi lohna lantir

United States (US) president Donald Trump-a'n Israel-Palestine te buaina chinfelna tura rua­hmanna, Mideast peace plan a siam chu Pales­tinian-te chuan duh loin, West Bank leh Gaza Strip-ah lungawi lohna an lantir. 

US Mideast peace plan hi 'Deal of the Century' tih a ni bawk. Mahse Palestinian-te chuan US ruahmanna siamah hian Israel chu duhsak bik leh, Israel-in Palestinian ram a luah zawng zawnga huam china Palestinian independent state siam tura duhthusam an lo neih ve te tihchhiatsakah an puh a ni. 

West bank-a khaw hrang hrangah Palestinian mi, nawrh huaihawt leh Israel sipaite inkarah buaina a chhuak. Jordan Valley area-a rally neih­na­ah pawh buaina a chhuak bawk. Jordan Valley area-a Palestinian governor, Jihad Abu el-Assal chuan he rally hi Israel-in Palestinian ram a luahsak an pawm ngai dawn lo tih lantirna a ni tih a sawi.