Indonesia-ah tuilian vangin mi 60 thi tawh

Ruahtui tam vanga Ciliwung leh Cisadane lui a len avangin Indonesia khawpui, Jakarta leh a chhehvela tuilen vangin mi 60 an thih tawh thu Indonesian National Board for Disaster Management (BNBP) chuan a tarlang.

Kum thar ni khan Indonesia khawpui Jakarta leh a chhehvel khuate hian tuilian an tuar nasa hle a, ziaawm lam a la pan hlei thei lo a ni. Tuilian vang hian mi 92,000-te chuan an chenna in leh lo an chhuahsan tawh a ni.

Thite hi Bogor-ah an tam bera, mi 17 an thi a ni. Jakarta-ah mi 16, Bekasi-ah mi 10, Tangerang-ah mi panga, Depok-ah mi pathum leh Lebak-ah mi pakuate an thih thu BNBP chuan a tarlang. Indonesia hian kum tin, December leh February thlaah hian ruahtui an dawng tam ṭhin a, lirnghing leh tuilian an tuar fo bawk a ni.