Brexit tihkhawtlai a ngaih ring

European Union aṭanga United Kingdom inlakhran hun tur chu tihkhawtlai a ngaih a rin thu Chancellor hlui George Obsorne chuan a sawi. 

EU aṭanga UK inlakhranna tura Britain Prime Minister Theresa May-i leh EU hruaituten inremna an siam chu Britain Parliament-ah MP-ten an hnawlsak a ni. Ruahman lawk dang chuan March 29 hian UK hian EU hi a chhuahsan tawh dawn a ni. 

Theresa May-i chuan withdrawal agreement an siamte hnawl ni mah se, tuna dan an hman mek hnuaiah inremna dang siam a nih loh pawhin March 29 hian EU chu an chhuahsan dawn tho niin a sawi thung. Hetihlai hian EU-a awm la chhunzawm duhtu, Obsorne chuan inremna siam loa EU chhuahsan ngawt chu thil theih a ni lo tih a sawi.