Pakistan-in UAE aṭangin dollar tld 3 puk dawn

Pakistan chuan leiba an ngah avanga sum lama harsatna an tawh mek laka inkhaichhuahna turin United Arab Emirates (UAE) hnen aṭangin dollar tluklehdingawn thum a puk dawn. 

UAE hian nikum December thla khan Pakistan puihna tur hian sum tam tham tak a puktir tur thu hi a lo puang tawh a, hemi hma hian Saudi Arabia pawhin Pakistan hnena sum a puktir tur thu hi a lo sawi tawh bawk. 

Thawhlehni khan dollar tluklehdingawn thum pukna tura inremna hi State Bank of Pakistan (SBP) hotu Tariq Bajwa leh Abu Dhabi Fund for Development (ADFD) Director General Moham-med Saif Al Suwaidi-ten Islamabad-ah an ziak a ni. 

Foreign Office thu-puangtu Mohammad Faisal chuan he inremna hmang hian Pakistan sum dinhmun pawh siamṭhat a ni thei dawn tih a sawi a, sorkarin sum lama harsatna a tawh mekte a sutkian theih dawn bakah, ram hmasawnna hna pawh an thawh theih phah dawn a ni, a ti. ADFD leh Pakistan sorkar chuan kum 1981 

aṭang khan inzawmna nghet leh ṭha tak an lo nei tawh tih a sawi bawk.