SKorea-ah ui leh zawhte Covid test nei dawn

South Korea chuan ran vulh chi, ui leh zawhte chu symptom an nei a nih chuan Covid-19 test neih sak an ni zel dawn tih a sawi. 

Seoul khawpuiah zawhte pakhat chu Covid-19 a kai tih hmuh chhuah a lo ni tawh a ni. Ram dangah pawh ui leh zawhte kai eng emaw zat report a awm tawh bawk. 

Disease control official Park Yoo-mi chuan ran vulhte hian Covid-19 hri an kai tih hmuhchhuah a nih chuan a neitute chuan inah ni 14 chhung khunghrangin an enkawl a ngai dawn tih a sawi. Enkawltu an nei dawn lo a nih chuan Seoul khawthlang lama sorkarin hmun a siamah khunghran an ni ang.