Venezuela eptu hruaitu inte-rim president-ah a inpuang

Venezuela-a eptu pawlte chuan President Nicolas Maduro bang tura phutin ramchhung hmun hrang hrangah nawrh an huaihawt a, Nilaini khan eptu pawl hruaitu Juan Guaido chuan an ram president lailawk, interim president-ah a inpuang. 

US chuan Guaido-an Venezuela eptu hruaitu hi a thlawp a, hemi chhan let nan hian President Maduro chuan US nena an inlaichinna a chhu chat nghal a ni. Venezuela-a US palaite chu darkar 72 chhunga an ram chhuahsan turin a ti a ni. 

US  bakah Canada leh Western Hemispher-a sorkar pakua bakah Brazil, Argentina leh Colombia-te chuan Guaido hi interim president atan an pawm a, Organization of American States pawhin a thlawp bawk. 

Kum 35 mi, Guaido hi tunhnaiah Venezuela National Assembly hotu atan thlan a ni a, Caracas-ah lakluh a ni. Hetihlai hian Maduro chuan National Assembly chu an ram awp tumtu, US leh far right hoin an thunun nia sawiin, hruaitu atana Guaido thlan chu dan kalh niin a sawi.

Nilaini vek khan Maduro thlawptute chuan Caracas-ah kawng an zawh ve bawk a, eptu pawl pungkhawmte chu an ram hralhtu leh phatsantu tiin an au khum a ni.