Pakistan court-in Zard-ari-a interim bail pawtsei

Pakistan banking court chuan sum tihchingpen kaihhnawiha thubuai siamsak, President hlui Asif Ali Zardari leh a farnu Faryal Talpur bakah midang pakua-te interim bail chu February 14 thleng atan a pawhsei sak. 

President hlui leh a farnu bakah midangte hi Nilaini khan Karachi-a court-ah a inlan a ni. Hetihlai hian an thubuai chhuitu, Federal Investigation Agency's (FIA) investigation officer erawh  Islamabad lama a awm avangin a inlan ve thei lo thung. 

Banking court chuan investigation officer ber a inlan loh vang a, FIA record hmuh tur a awm loh avangin thubuai hi ngaihtuah theih a ni lo tih a sawi. Hei vang hian Zardari, Talpur leh midangte interim bail chu February 14 thleng atan pawtseiin, an thubuai hi hemi nia ngaihtuah tur hian a dah ta a ni. 

Zardari hi Pakistan prime minister hlui Benazir Bhutto-i pasal a ni a, kum 2008-2013 chhung khan Pakistan president a ni. Account lem siam aṭanga dik lo taka sum thawnkual chungchangah FIA hian mi 32 a chhui mek a, an zingah hian Zardari-te unau bakah Omni Group chairman Majeed leh a fapa pawh an tel. Heng mite hian kum 2013, 2014 leh 2015 khan private bank-ah midang hming hmangin account 20 an siam a, heng account aṭang hian cheng tluklehdingawn tel thawnkual a ni tih FIA chuan a sawi.