Thailand-in March 24 ah inthlanpui nei dawn

Thailand chuan March 24 hian inthlanpui a nei dawn a, hei hi May 2014-a sipai chakna hmanga sorkar paihthlak a nih hnuah inthlan an neih lehna hmasa ber tur a ni. 

Electoral Commission chuan inthlan neih hun tur hi nimin khan a puang a, Commissioner Ittiporn Boonpracong chuan inthlana chuh tum party-te chu February 4-8 inkarah an candidate turte an tihfel a ngai tih a sawi. 

Kum 2014 May thlaa Prime Minister General Prayutt Chan-ocha kaihhruaia sorkar paihthlak a nih hnuah sipai sorkar hian ro a rel zui a, Electoral Com-mission hnenah inthlan neih hun tur hi ruat turin a ngen a, hemi hnu hian commission chuan a hun tur hi ruatin King Vajiralongkorn-an a hming a ziah hnan hnuah official bulletin, Royal Gazette-ah tihchhuah nghal a ni.