Vietnam-in Trump-Kim summit chungchang hre lo

US President Donald Trump leh North Korea hotu Kim Jong-un te summit vawi hnihna chu Vietnam khawpui, Hanoi-ah neih a ni dawn nia sawi ni mah se Vietnam chuan summit neih tur leh a hmun tur chungchangah engmah hriattir a la ni lo th a sawi. 

Vietnam foreign ministry thupuangtu Le Thi Thu Hang chuan summit neihna hmun leh hun chu US leh NKorea-te ngaihtuah tur a ni a, an rama an nghat duh a nih pawhin an lo dawngsawng thei reng tih a sawi. 

White House chuan kar hmasa khan February thla tawp lamah Trump-Kim summit hi neih leh a ni dawn tih a sawi a, mahse an neihna tur hmun erawh a sawilang lo. Report ṭhenkhat chuan summit hi Vietnam-ah neih a ni dawn niin an sawi a, hetihlai hian Bangkok, Hawaii leh Singapore hmingte pawh sawilan tel a ni bawk.