US sipaite kuangah kan thawn haw ang: Hezbollah
US-in firfiak pawla a lo puan tawh, Hezbollah pawl hotupa Sayyed Hassan Nasrallah chuan Middle East-a US sipaite chu kuangah an thawn haw dawn tih a sawi.
Kar kal ta Zirtawpni zinga US sipaiten an thah tak, Iran General Qassem Soleimani thihna avangin Nasrallah hian US chu vauin, Middle East-a US sipaite chu Hezbollah pawl te chuan an beih dawn thu Soleimani vuina hmunah a sawi a ni.
Nasrallah hian US civil mite chu an beih dawn loh thu leh US sipaite lakah chauh hian Soleimani phuba an la dawn tih a sawi tel bawk. "US sipaite hi kuang nena kan thawn haw hunah chuan US president Donald Trump leh a kaihhruaite chu an inhmuchhuak anga, nakkum inthlanah pawh Trump hi a chak loh phah bawk ang," tiin Nasrallah chuan Soleimani phuba nataka an lak dawn thu a sawi.