Afghanistan sipaiten Taliban tan-ina tang mi 39 chhan chhuak

Afghanistan sipaite chuan Pathianni zan khan an ram khawchhak lam, Ghazni province-ah beihpui thlakin Taliban tan-in aṭangin mi 38 an chhan chhuak. 

Afghan Ministry of Defence chuan thuchhuah siamin, Afghan National Army (ANA)-te hian special operation neiin, Ab Band district-a Ghoat Khali khuaa Taliban tan-ina tangte an chhuah thu hi a sawi. Beihpui an thlaknaah hian sipaite chuan Taliban firfiak pakua an kaphlum bawk. Firfiakten tan-in atana an hman building pahnih leh ralthuam an dahna hmun an kahchhiatsak bawk a ni. 

Tan-in aṭanga chhanchhuahte hi sipai hmunpuiah hruai nghal an ni. 

Taliban-te chuan sipaite nena an inbeihnaah hian sipai zingah pawh thi eng emaw zat an awm niin an sawi.