China-in rights laywer kum 4 chuang tang turin hrem

China court chuan nimin khan rights lawyer lar tak Wang Quanzhang chu sorkar thuneihna tihchhiat tuma puhin kum li leh a chanve tang turin a hrem. 

Wang Quanzhang hian China police-ten mi an nghaisakte thubuai bakah sorkarin dan pawna a hnawl sakhaw pawl pakhat, Falun Gong movement member-te thubuai a buaipui ṭhin a, kum 2015 August thla khan chin hriat loin a awm a ni. Hemi hnu hian police-te chuan Wang hi an man thu leh jail-a tantir a nih thu an sawi. 

Nikum December 26 khan Wang-a thubuai hi Taijian Number 2 Intermediate People's Court chuan ngaihtuahin thiam loh a chantir a, nimin khan a hremna tur hi tihchhuah a ni ta a ni.