US-Bangla thlawhtheihna chesual chhuina report tichhuak

Kum 2018 March thlaa US-Bangla airline Bombardier UBG-211 chetsualna chhan chhuina report chu nimin khan tihchhuah a ni. Report-ah hian chetsualna thlen lai hian pilot chuan dan kalhin cockpit chhungah meizial a zu nia sawi a ni. 

Bombardier UBG-211 hi Kathmandu, Nepal-a Tribhuwan International Airport (TIA) a a ṭum dawnin a chesual a, mi 51 in nunna an chan a ni. He thlawhtheihna chetsual dan chhuitu, investigation commission chuan report hi Nepali Ministry of Culture, Tourism and Civil Aviation hnenah a thehlut. 

Accident Investigation Commission chuan company chuan ram chhung leh ram pawna thlawhtheihna a service-ah meizuk khapna policy hi a kalpui vek a, mahse thlawhtheihna chesuala PIC (pilot in command) chuan cockpit chhungah meizial a zu tih hriat a ni, a ti. He chetsualna thleng hi crew member-ten thupek an dawn ṭhat loh leh thil awmdan an ngaihven tawk loh vang a ni thei tih a tarlang. Hemi rual hian TIA control tower pawhin mawhphurhna a nei niin a sawi bawk.