Denmark-in vawk lut tur danna siam dawn

Denmark chuan vawk pul hri leng hlauh vangin Germany nena an inri-na, km 70-a thui chu ram vawk lut tur dan nan a hung dawn. 

Belgium ramah African swine fever vangin vawk pahnih an thi a, he hri hi an rama a luh ve chuan pig industry lian tak tak tan a pawi thei dawn a, hei vang hian invenna turin hma a la nghal a ni. Denmark hian vawksa aṭanga thil siam hi kumtinin dollar tluklehdingawn 1.7 zet a thawnchhuak a ni. 

African swine fever hi mihring tan a hlauhawm ve lo a, mahse ram vawk leh vawk vulh laiten an pudarh thei a ni. He hri hi a tihdamna leh venna a awm lo a, a hri kaite chuan ni reiloteah an thihpui mai zel a ni. 

Minister for Enviro-ment and Food, Jakob Ellemann-Jensen chuan sorkar chuan an rama African swine fever lut tur veng tur hian theihtawp a chhuah dawn tih a sawi. Vawk lut tur danna atana ramri hungna tur hi feet 5-a sanga siam tum a ni a, kilometer khat danah gate siam tum a ni bawk.