Malaysia PM hlui thubuai pathum siam belh leh

Malaysia Prime Minister hlui Najib Razak chu sum tihchingpen kaihhnawihah thubuai dang pathum siam belh sak a ni leh. Heng thubuaite hi state fund IMDB in sum tam tak a hloh kaihhnawihte an ni.

Nikum May thla inthlana Mahathir Mohamad a hneh loh hnu khan Najbi hi eiruk thubuai eng emaw zat siamsak a ni tawh a, pathum siamthar belh leh nen hian thubuai 42 a nei mek a ni. Najib chuan heng thubuai siamsakah hian tihsual engmah a nei lo tih a sawi thung. A thubuaite hi February 12 aṭangin ngaihtuah ṭan a ni ang. 

Prosecutor-te chuan Najib hian dan kalhin a private bank account-ah an ram pawisa ringgit maktaduai 47 (dollar maktaduai 11.44) a dawng niin an sawi. A thubuai tinah hian thiam loh chantir a nih chuan ringgit maktaduai 5 ṭheuh leh kum nga thleng lung-in tang tura hrem theih a ni dawn a ni. 

US Justice Department chuan Najib-an thuneihna a chan laia a din, 1MDB-a high level official leh an thurualpuite chuan kum 2009-2014 chhung khan he fund-a pawisa dollar tluklehdingawn 4.5 vel zet an tichingpen niin a sawi. Najbi-a treasury chief hlui Mohamad Irwan Serigar Abullah, 1MDB chief executive hlui Arul Khand Kandasamy-te pawh fund sum tihchingpen kaihhnawihah hian thubuai siamsak an ni tawh bawk.