Health minister-in data leak vangin thupha chawi

Singapore Health Minister Gan Kim Yon chuan  Singapore leh ramdang mi, human immunodeficiency virus (HIV) vei mi 14,2000-te data online-a a putchhuah avangin Thawhṭanni khan thupha a chawi. 

Ministry of Health-in conference a neihah HIV vei mi 14,200 zette data a putchhuah thu hi sawi niin, a tiputchhuaktu hi America mi, kum 2008 aṭanga Singapore-a cheng Mikhy Farrera-Brochez nia sawi a ni. Mikhu hi kum 2017 khan dankalha thiltih, ruihhlo kaihhnawih bakah, Ministry of Manpower hnenah a HIV status chungchanga dawt hrilha puhin man a lo ni tawh a ni. Mikhu hian heng data-te hi March 2012 - May 2013 chhunga Ministry of Health-a National Public Health Unit (NPHU) hotu Ler Teck Siang hnen aṭanga a neih a ni. 

Data putchhuakah hian HIV vei mi 14,200-te hming, contact detail leh medical information-te a lang a, mi 2,400-te chu an address-te pawh a lang bawk. Gan Kim Yong chuan dan kalha thiltih a nih vang hian ngaihdam dilin, an system chu ennawna thuam ṭhat a nih tur thu te, damlo-te dinhmun chu an dah pawimawh ber thu a sawi.