UK Parliament-in Feb 13-ah Brexit deal vote leh dawn

Britain Prime Minister Theresa May-i chuan European Union aṭanga Britain inlakhranna tura inremna an siam, Brexit deal chungchangah February 13 hian Parliament-ah vote lak a ni leh dawn tih a sawi. 

Theresa May-i leh EU hruaituten Withdrawal Agreement an siam hi tun thla tir lam khan Parliament chuan a lo hnawlsak tawh a ni. MP-te chuan inremna an siam chu a ṭha tawk lo a, siamṭhat an phut. Hemi hnu hian 1922 committee of Conservative MP chairman, Sir Graham Brady-an a siamṭhatna tura rawtna a siam, 'Brady amendment' tih chu May-i hian a thlawp dawn nia sawi a ni.