Pakistan mi ṭhenkhat Twitter leh Facebook account tihtawp sak

Pakistan army thu­puangtu Maj. Gen. Asif Ghafoor chuan Pa­thianni khan Pakistan mi ṭhenkhat Twitter leh Facebook account chu Kashmir chungchang an post vangin tihtawp sak an ni tih a sawi a, hei hi Facebook leh Twitter regional headquarters-a India mi hnathawkte vang a ni, a ti. 

Nimin khan mi pali Twitter account chu India security agency-te ngenna angin tihtawp lailawk sak an nih thu India official-te chuan an sawi. Kar liam ta khan Pakistan mi tam takin Twitter-ah an account tih tawp lailawk sak an nih thu an sawi bawk. 

Asif Ghafoor chuan a Twitter-ah "Pakistan miin social media hrang hranga Jammu & Kashmir a support-na chu India hian ngaithei loin, mi ṭhenkhat Twitter leh Facebook account tih tawp sak an ni," tiin, hemi chungchang hi social media site hotute hnenah pawh thlen a ni, a ti.