Trump-a'n Huawei nen thawhdun a duh tawh lo

United States (US)  President Donald Trump chuan Pathianni khan an ram leh Chinese multinational technology company Huawei nena thawhdun a duh loh thu a sawi a, a duh loh chhan hi national security venthawn thil vang a ni, a ti. 

Kar kal ta Zirtawpni khan US Commerce Department chuan Huawei Technologies Co Ltd-in an customer neih saten US company aṭanga supply an lei chhunzawm theihna tura ngaihhnathiamna a pek chu a pawtsei dawn tih an sawi a ni. Mahse Pathianni  khan Trump chuan Huawei nena thawhdun zel hi a duh tawh lo tih a sawi. 

Hetihlai hian Chinese Huawei Technologies Co Ltd tan hian "temporary general license" chu ni 90 atan pawhsei a ni dawn tih report ṭhenkhat chuan an sawi thung. National Economic Council director Larry Kudlow chuan kar kal ta Pathianni khan US Commerce department-in thla thum chhung atan Huawei license chu an pawtsei dawn tih a lo sawi tawh a ni.