Hamas-ten Israel an vau
Gaza Strip-a rorel lai, Palestinian pawl Hamas chuan Qatar-in Gaza tana pawisa a pek chu Israel-in transfer a phalsak loh chuan boruak ṭha lo zawk a thleng ngei ang, tiin a vau.
Qatar hian West Bank leh Gaza Strip-a Palestinian mite ṭanpuina turin US dollar maktaduai 480 a thawn tur thu a lo sawi tawh a, heng zinga dollar mtd 300 chu Paletinian Authority hnuaia health leh education programme kalpuina atana tih a ni. Dollar mtd 180 erawh chu chhawmdawlna leh UN programme puihna te, electricity pekna atan a ti bawk. Palestinian mite chhawmdawlna sum pek tur chungchangah hian Qatar palai Mohammed Al-Amadi pawhin Israel leh Hamas official-te hmuh thuai a tum a ni.