Israel-in Gaza aṭanga pem turte an ram kaltlanga chhuah phalsak

Israel chuan Gaza Strip-a cheng, ramdanga pem tumte chu an pem tumna ramten an lo pawm a nih chuan Israel kaltlanga an thlawhchhuah a phalsak a, a thlawhtheihna chuan man pawh tumsak an ni dawn tih a sawi. 

Israel sorkar hian ram ṭhen­khat, a bikin Middle East ramte chu Gaza aṭanga Palestinian pem duhte an lo pawm theih dawn leh dawn loh a zawhsak a, mahse an zawhte hian an lo hnar zel tih official chuan a sawi. 

Nikum khan Gaza aṭang hian Egypt ramri, Rafah crossing kaltlangin Palestinian mi 35,000 chu ramdangah an pem chhuak. Pem chhuak tam zawk hi ṭhalai, an dinhmun pawh ngaihtuahawm lo tak tak an ni a, doctor 150 lai an tel bawk. A tam zawk chuan Turkey an pan a, ṭhenkhatin Greece panin heta ṭang hian Europe ram dang an pan leh a ni.