Japan-ah magnitude 7.3-a nain lir a nghing

Japan khawpui Tokyo-ah kar liam ta Inrinni khan magnitude 7.3-a nain lir a nghing. 

Kum 2011 March 11-a lir­nghing na tak avanga Tsunami rapthlak tak an tawrh champha vawi 10 a thlen hmain lirnghing na tak hi Japan hian a tuar leh a ni. 

Inrinnia lirnghingah hian thi an awm hriat a ni lo a, mahse hliam erawh mi 50 chuang an awm niin thuneitute chuan an sawi. Lirnghing vang hian power supply nei lo chhungkaw maktaduai khat chuang an awm phah bawk. He lirnghing hi thuneitute chuan kum 2011-a Tsunami thleng ang kha a nih dawn loh thu leh Tsunami war­ning a nih loh thu an tarlang. 

Japan meteorological agency (JMA) chuan kum 2011-a Tsuna­mi thleng aftershock a nih an rinthu sawiin, aftershock hi kum tam tak hnuah pawh a thlen theih thu an tarlang bawk. Kar liam taa lirnghing hi Japan khawchhak lam tuipui kilometer 60 a thuka inṭan nia sawi a ni.