Trump-a'n Denmark PM a hmuh hun tur sawn
US President Donald Trump chuan Thawhlehni-a Denmark prime minister Mette Frederiksen a hmuh tum chu a hun a sawn a, hei hi Frederik-sen-i'n US hnena Greenland chu hralh chungchan a bengkhawn tawk loh vang a ni.
Trump chuan a Twitter-ah,"Frederiksen chuan Greenland lei chungchanga inbiakna neih tur a bengkhawn tawk loh avangin kar hnih hnua inhmu tura ruahman a ni ta zawk a ni," a ti. Denmark ram bung ṭhenkhat hi mahnia inrelbawl an nih theih nan Trump hian lei ṭhen a duh nia sawi a ni. Trump hian a lei thei a nih chuan real estate lian tham tak a nih dawn thu a sawi bawk.
Pathianni khan Trump chuan Greenland lei hi a ngaihven hle thu a tichiang a, mahse a kaihhruai sorkar ngaihpawimawh ber erawh a nih loh thu a sawi. Greenland ministry of foreign affair te chuan Zirtawpni khan insumdawnna kawngah chuan an inhawng reng thu an sawi a, an ram hralh erawh an bengkhawn loh thu an sawi.
Greenland hi sq km mtd 2 a zau a ni a, mi 57,000 bawr vel cheng an awm. A chengte hi a ram leilunga awmsa Inuit hnam te an ni. Greenland ram hi Denmark hnuaia mahnia inrelbawl hranna nei an ni a, mineral, tuithiang hlim, vur, sangha dahṭhat, seafood leh renewable energy lamah an changtlung em em a ni.