G7 Summit-ah Trump leh Johnson-ten meeting nei

Biarritz, France-a G7 summit neihah nimin khan tukṭhuan ei zawhah US president Donald Trump leh UK prime minister Boris Johnson-te chuan meeting an nei.

President Trump chuan UK chu sumdawnna lama inremna lian tham tak siampui a tiam a, European Union aṭanga an chhuak chu UK tan chuan thil ṭha zawk a ni dawn tih a sawi. UK nena insumdawn tawnna an neih tur chu tunhma zawng aiin a lian zawk dawn a ni, a ti.

UK prime minister Boris Johnson chuan  post-Brexit trade deal-ah an inrem dawn a nih chuan US chuan an 'market' an hawn a ngai dawn tih a sawi ve thung. Sa ṭhenkhat Thailand leh Iceland-a an zawrh theihte chu tunah chuan US-ah hian an phurlut thei lo tih sawiin, 'food and drug administration restriction' vang nia a hriat thu a sawi a ni. US market-ah chuan UK bungraw eng emaw zat an thawnluh theih loh thu leh, zu thleng pawhin awlsam taka an thawnluh theih loh thu a sawi. US-a an bungrua phurhluh theih chu an duh hle tih a sawi a ni.

Meeting an neih zawhah hian thuhthar thehdarhtute hnenah Trump chuan UK nen chuan inremna an siam thuai dawn tih a sawi.