China pawisa hlutna tlahniam

China pawisa hlutna chu nimin khan tlahniamin, kum 11 chhunga a tlakhniam ber ṭum a ni. Hei hi US nena insumdawnna lama indona an neih mekin a nghawng nia rin a ni. 

Nimin zing khan onshore market-ah China pawisa, yuan 7.1425 leh US dollar khat a inhen a, hei hi kum 2008 February hnua a hniam ber ṭum a ni. Offshore market-ah yuan 7.1850 leh US dollar khat a inhen bawk a, hei hi kum 2010 hnua international trading-a a hniam ber ṭum a ni bawk. 

China leh US hian insumdawnna lamah inremna an la siam thei lo a, kar kal ta Zirtawpni khan US president Donald Trump chuan China bungrua an lakluh, US dollar tluklehdingawn 550 man aṭanga chhiah lak chu 5%-in a tisang leh a, hemi hma lawk hian China pawh hian US bungrua a lakluh, dollar tld 75 man aṭangin chhiah lakna tur a siam thar ve bawk a ni.