Argentina President hlui Carlos Menem a thi

Argentina president hlui kum 90 mi Carlos Menem chu Pathianni khan Buenos Aires-ah a thi. 

Menem hian Argentina President hi term hnih a chelh a, kum 1989-1999 chhunga thu­neihna a chelh lai khan priva­tisation policy a kalpui nasa hle. US leh Britain nen pawh inlaichinna ṭha tak a siam bawk. 

President a nih tawh loh hnuhah eiruk thubuai bakah, Croatia leh Ecuador ramte arm deal dik lo taka siampuia puhin thubuai siamsak a ni zui a, mahse heng thubuaiah hian thiam a chang leh tho a ni. 

Kum 2005 aṭang khan Senate member a ni a, mahse a hriselna a ṭhat loh chhoh avangin tunhnaiah Senate-ah pawh a inlan khat hle. Pneumonia avangin ṭum eng emaw zat damdawi-inah enkawl a lo ni tawh bawk.