Russian Soyuz spacecraft-in ISS thleng

Russian-in kar hmasa Ningani-a a kahchhuah, robot a tirhna  Soyuz  spacecraft chuan Thawhlehni khan International Space Station (ISS) a thleng.

Spacecraft Mission Control Centre chuan robot an tirhna Soyuz MS-14 spacecraft chu hlawhtling takin ISS-ah a innghat tih a sawi. Inrinni khan ISS-ah hian innghah an tum hmasa a, mahse an hlawhchham avangin nimin khan an tum leh a, an hlawhtling ta a ni.

He spacecraft-ah hian Russia hian robot 'Fedor' an chuantir a, Russia-in van boruaka robot an tirhchhuah hmasak ber a ni bawk.