US firm 130 chuangin Huawei hnena bungraw hralh an duh
United States Commerce Department chuan company 130 chuang hnen aṭangin, US bungraw siamte China company, Huawei Technologies Co Ltd hnena hralh phalsak tura dilna an dawng tawh tih a sawi. Mahse tun thlengin eng firm mah phalna hi pek an la ni lo.
May thla khan US chuan China Huawei Technologies Co Ltd-te hi blacklist-ah a dah a, hei vang hian US firm-te chu Huawei company hi an thawhpui a khap a ni. Mahse thla hnih kal ta khan president Donald Trump-a'n bungrua
ṭhenkhatte hralh phal a nih thu a sawi leh a, hei vang hian US company-te chuan US bungraw hralh theihna tura licence hi an dil zui a ni.
Hetihlai hian August thla laihawl khan Trump chuan Huawei nena thawhdun a duh loh thu a lo sawi leh thung. Commerce Department official hlui William Reinsch chuan president Trump duhdan tak hi executive branch a mite chuan an hriatthiam loh thu leh, a duhdan an hriatchian hma chuan thutlukna lo siam an hreh thu a sawi.
China Huawei Technologies Co Ltd-te hi khawvela smart phone siamchhuaktu lian ber pahnihna an ni a, US-in thawhdun pui a duh tawh loh chhan hi national security venthawn thil vang niin a sawi a ni. Blacklist-a telh a nih avang hian China company hnena US bungrua hralhte chu khap a ni nghal a, mahse special license nei tan erawh chuan phalsak an ni thung.