Tuilian venthawn thilah mi nuai hnih chuanG sawn Chhuak

Japan rama ruahsur nasain tuilian leh leimin a thlen hlauhthawn vangin, ven­thawn thilah Kyushu biala cheng mi 2,40,000 chu nimin khan hmun him lama insawn­chhuak tura hriattir an ni. 

Japan Meteorological Agency chuan Kyushu hmar­lam bial hmun tam tak chu ruah a sur chhunzawm zel chuan chhiatna nasa tak tawk mai thei nia a sawi hnuah, tualchhung thuneitute chuan insawnchhuak tura hriattirna hi an tichhuak nghal. Warning hi Saga, Fukuoka leh Nagasaki bialah tihchhuah a ni. 

Fire and disaster ma­nagement agency chuan Saga bialah chuan tuilianin in eng emaw zat a chim tawh nia sawiin report pawh an dawng nual tih an sawi a, official-te chuan chhiatna thlen dan hi chiang zawka hriat tumin an bei mek a ni, a ti.