US-in Japan hnenah anti-ballistic missile hralh a remti

United States chuan US dollar tluklehdingawn 3.3 man anti-ballistic missile chu Japan hnenah hralh a remti. 

Pentagon chuan ship-board Aegis system aṭanga kahchhuah tura duan, Raytheon siam SM-3 Block IIA missile 73 chu Japan hian a lei dawn tih a sawi. Hei hi anmahni beihna tura ballistic missile kapthla tur a nih thu a sawi bawk. Hetihlai hian North Korea chuan tun hnaiah missile a enchhin fo a, tun thla chhung pawhin short-range ballistic missile pasarih a enchhin tawh. Heng zingah hian Japan ram kap thleng pha pawh an awm tel. 

US hian Japan bakah Hungary, South Korea, Lithuania leh Denmark ram hnena ralthuam hralhna tur pawh a pawm bawk a, ralthuam hralh turte hi dollar maktaduai 943 man a ni. Hungary hian Raytheon siam vek, AIM-120C-7 advanced medium-range air-to-air missiles 180 a lei dawn a, Denmark hian low frequency sonar system leh sonobuoys, Lithuania-in Joint Light Tactical Vehicles 500 leh South Korea-in MK 54 lightweight torpedo 31 an lei dawn a ni.