China-ah Covid vaccine lem siamtu man

China ramah Covid-19 vaccine lem eng emaw zat a awm nia report a awm avanga sorkarin behpui a thlaknaah, vaccine lem siamtu zinga pakhat  chu man a ni. 

An mi man hi Kong tia sawi a ni a, mineral water leh saline solution chu Covid-19 vaccine angin a zuar chhuak a, vaccine hi 58,000 chuang zet a lo siam hman nia sawi a ni. Kong hian Covid-19 vaccine dik takte packaging design pawh a entawn nia sawi a ni a, a vaccine lem siam zinga batch khat chu ram pawn lamah an thawnchhuak hman a, mahse khawi ramah nge a thawn tih hi hriatchian a la ni lo. 

China-ah hian vaccine lem kaihhnawihah thubuai 20 chuang ziah luh a ni tawh a, rinhlelh thilah mi 70 man an ni tawh bawk. Kong leh a team-te hian nikum August thla aṭang khan Covid-19 vaccine lem an siam aṭang hian yuan maktaduai 18 vel sum an lalut hman tawh nia sawi a ni.