China-in Iran oil lakluh chhunzawm tum

China chuan US-in Iran oil pekchhuah kawnga hrekna a siam chu a pawm ve lo tih sawiin, Iran oil chu lakluh chhunzawm zel a tum tih a sawi. 

Chinese Foreign Ministry-a Depatment of Arms Control Director General Fu Cong-a chuan US-in Iran a hrekna hi an pawm ve loh thu sawiin, oil lakluh chu Chinese energy security leh mipuite tan pawh thil pawimawh a nih thu a sawi a ni. 

US hian Iran nuclear deal aṭanga a inhnuhdawh hnuah Iran hrekna hi a siam thar leh a, ram dangte pawh Iran oil lak chhunzawm lo tura tiin, a la chhunzawm ramte pawh hrekah a vau tel a ni. Hei vang hian Iran-in oil a hralhchhuah pawh a tlahniam hle nia sawi a ni.