AstraZeneca Covid-19 vaccine pawm

WHO hian AstraZeneca/University of Oxford Covid-19 vaccine version pahnih chu emergency-a hman turin a pawmsak  a, hei vang hian khawvela ram rethei zawkahte thawnchhuah phal a ni tawh dawn a ni. Vaccine a pawmte hi South Korea-a  AstraZeneca-SKBio leh India-a Serum Institute siamte an ni. 

Covid-19 vaccine hi ram eng emaw zatah pek ṭan ni tawhin, vaccine dose maktaduai 172 dawn semchhuah ni tawh mah se, a tam zawk hi ram hausa zawkten an la chang vek a, ram rethei zawkten vaccine hi an la pe ve thei lo. 

Hei vang hian WHO chuan ram rethei zawkte pawhin Covid-19 vaccine an dawn vek theihna turin international programme, Covax a siam a, he prog­ramme hnuaiah hian AstraZeneca vaccine siam pawh hi thawn a ni thei dawn a ni. He vaccine hi Covid-19 vaccine dangte aiin a dahṭhat leh phurhkual kawngah a buaithlak lo  nia sawi a ni.