Japan-in Yemen ṭanpuina pe

Japan chuan Yemen ram food security tihchangtlunna turin UN Food and Agriculture Organisation hnenah dollar maktaduai riat a pe. 

Yemen rama hun rei tak chhung tualchhung indona thleng vangin mi mi tam takin harsatna an tawk mek a, chhungkaw nuai hnih chuang zet chuan ei leh in lam thlengin harsatna an tawk tawh a ni. 

Japan-in Yemen tana ṭanpuina sum a pek hi ei tur leh thlai chi semna atan te, ranvulhna tur siamna atan te, irrigation system siamṭhatna leh agriculture facility siamṭhatna atante hman a ni dawn niin FAO chuan a sawi. Hemi hmang hian chhungkaw tam tak chuan ei tur an siamchhuah theih dawn bakah sum lakluhna te an neih phah dawn bawk a ni. 

FAO chuan Yemen mipuite dinhmun chu a chhe hle tih a sawi a, tualchhung buaina thleng hi a kum sarihna ni tawhin, mi matkaduai 16, Yemen ram mipui zinga 53% vel zet chu khamkhawp ei tur nei loin an awm a ni, a ti. FAO hian kumin chhungin Yemen ram mipui maktaduai 8.6-te ṭanpuina turin dollar maktaduai 218.5 a dilsak mek bawk.