US-in Palestinian-te chhawmdawlna titawp

US chuan West Bank leh Gaza-a Palestinian-te chhawmdawlna a pek ṭhin chu a titawp vek tih a sawi. 

Palestinian security services ṭanpuina tura kumtina US-in dollar maktaduai 60 chuang a pek ṭhin chu tihtawp tel a ni. Nikum khan US hian USAID hnuaia Palestinian chhawmdawlna a pek ṭhin dollar maktaduai za tel a lo titawp tawh a, heng zingah  humanitarin project hrang hrang - health, education leh infrastructure pawh a tel a ni. 

US President Donald Trump-a kaihhruai sorkar chaun UN agency for Palestinian refugees, UNRWA hnena ṭanpuina a pek ṭhin pawh a lo titawp tawh bawk. UNRWA hnuaiah US  hi sum thawh hnem ber ṭhin niin, kum 2017 khan dollar maktaduai 360 chuang a pe a ni. 

US sorkarin Palestinian zirlaite hnena scholarship a pek ṭhin pawh tihtawp niin, US bultumna hnuaia programme hrang hranga Palestinian mi hnathawk mi tam tak pawhin an hna an chan tawh bawk.