Cameroon leh Equatorial Guinea inpawhna lei dawh dawn

Cameroon leh Equa-torial Guinea official-te chuan ram pahnihte inkalpawhna tur lei an dawh dawn tih an sawi. 

Lei dawh tura inremna hi Inrinni khan Cameroon-a Douala khawpuiah ram pahnih aiawhte hian an siam a ni. Cameroon ministerial delegate Paul Tasong chuan lei dawhna tur project hi tihfel a nih chuan, ram pahnihte chu khawmual aṭangin an inkalpawh thei dawn tih a sawi. 

Inremna an siamah chuan lei hi Ntem River chungah dawh a ni dawn a, Cameroon-a Kribi leh Equatorial Guinea-a Bata inkarah dawh a ni ang. He lei dawh hna hi Economic Community of Central African States in a enpui dawn a, kuminah dawh ṭan tum a ni.