Russia-in US nena INF treaty siam titawp

Russia President Vladimir Putin chuan Cold War hunlaia US nena Intermediate-Range Nuclear Forces (INF) treaty an lo siam tawh chu a titawp tih a sawi. 

Kum 1987-a ram pahnihten ralthuam khuahkhirhna tur inremna an siamah hian Europe-a land-based nuclear missile tihbo a, ram pahnihten medium-range missile tihtawp bakah nuclear strike tihtlemte rawt a ni. Mahse ram pahnihte hian inremna an siam hi palzutah an inpuh tawn ve ve thung. 

Kar kalta Zirtawpni  khan US chuan Russia hian inremna an siam hi a palzut fo avangin thla ruk chhungin an  inremna aṭanga inhnuhdawh a tum thu hi a sawi a, hei vang hian Inrinni khan Russia chuan US-in tel an tum tawh lo tih an sawi avangin anni pawhin he inremna hi an titawp ve nghal tih Putin chuan a sawi a ni. 

Putin chuan missile thar siam turin Russia chuan hna a thawk chho nghal dawn tih a sawi a, heng zingah hian hypersonic pawh a tel dawn a ni, a ti.