Israel PM-in Hamas vau

Gaza Strip aṭangin Israel chhim lam chu Thawhṭanni zan khan rocket-in kah chhunzawm leh a ni. Israel Iron Dome defence system chuan rocket  kahchhuah tam zawk hi lo dang thei mah se, ṭhenkhat chu Israel ram chhungah a tla a ni.

Israel prime minister Benjamin Netanyahu chuan Gaza Strip-a rorel lai, Hamas te chu vau zui nghalin, rocket hmanga Israel ram  beih chhunzawm leh a nih chuan indona in a zui ang tiin a sawi. 

Israel Army Radio-in a kawmnaah,  Hamas te chuan Gaza aṭanga Israel beitu firfiakte chu an dang lo a nih loh chuan, Israel chuan Hamas chu mawhphurtuah puhin a bitum mai dawn a ni, a ti. "Pawikhawihtute hi in kap lo a nih chuan, nangmahni kha kan kap ang che u. Indo chungchang kan sawi tawh a ni," a ti. Netanyahu chuan indo chu a tawpkhawkah lo chuan a duh bik lo tih a sawi, hemi rual hian Palestinia lamin an rin phak bak aia nasaa an nbuatsaih thu a sawilang.