Senegal-in China aṭangin Covid-19 vaccine a dawng

Senegal chuan an ram huna Nilaini zan khan China siam Sinopharm COVID-19 vaccine dose 2,00,000 chu a thawh khatna atan a dawng.

He vaccine hi China khawpui Beijing aṭangin special flight hmangin Senegal ramah phurh thlen a ni a, Blaise Diagne International Airport-ah delivery ceremony hun hman niin, he hunah hian Senegal president Macky Sall, first lady Marieme Faye Sall, senior government official-te, Chinese ambassador to Senegal Xiao Han leh World Health Organization aṭanga mi pawimawh eng emaw zat an tel.

Senegal-ah hian Covid-19 hri kai mi 31,771 an awm tawh a, heng zinga mi 26,095 chu enkawl dam tawh niin, he hri vanga thi hi mi 769 an awm tawh a ni.