Malaysia PM atan Muhyiddin Yassin la lut

Malaysia prime minister thar atan Muhyiddin Yassin chu nimin khan rinawmna thu tiamtira lak luh a ni. 

Prime minister aṭanga Mahathir Mohamad a ban hnuah, kar liam ta Inrinni khan Malaysia lal, Sultan Abdullah Sutlan Ahmad Shah chuan interior minister hlui, kum 72 mi Muhyiddin hi PM thar atan ruatin, nimin khan rinawmna thu tiamtirin a la lut ta a ni. Muhyiddin hi state fund 1MDB sum tihchingpen avanga mualpho leh ban tak, Najib Razak prime minister a nih laiin a deputy a ni ṭhin bawk.

Hetih lai hian ṭangrual sorkar aṭanga inhnukdawka PM aṭanga bang ta, Mahathir Mohamad chuan sorkar thar siam turin thlawptu a ngah tawk tih a sawi a, fiah a nih theih nan Parliament urgent sitting ko turin a ngen. Mahathir chuan Parliament member 222 zinga member 114-in an thlawp niin a sawi.