Myanmar-ah commercial Solar power plant hmasa ber hawng

Myanmar rama com­mercial solar-power plant hmasa ber chu Minbu, Mag­we Region-ah hawn a ni. 

State Counsellor Aung San Suu Kyi chuan kar kalta khan solar-power plant phase hmasa ber tur hi a hawng a ni. Minbu Solar Power Plant project hi phase li a zawh tum a ni, power 170MW siamchhuak thei tur a ni a, hei hian chhungkaw 210,000 tan electric eng a pe thei dawn a ni. 

Green Earth Power (Myanmar) Co leh sor­karin a siam leh enkawl hna thawhna tura inrem­siamna angin kum 2018 February thla khan plant siam hna hi thawh ṭan a ni. 

Aung San Suu Kyi chuan Minbu plant chu kum 2030-a ram puma electric eng pekchhuahna tura an hmalakna kawng khat a nih thu a sawi a, kum 2021-ah chuan ram chhung mipui 55% talin electric eng hi an hmu thei tawh dawn a ni, a ti.