Indonesia inthlan official result tichhuak

Indonesia general elec­tion commission, KPU chuan April 17-a inthlan result chu Pathian­ni khan official-in a tichhuak ta. 

Official result tih­chhuah­ah President ṭang­lai Joko Widodo leh a tha­chhang dawltu Marul Amin te chu president inthlanna neihah chakah puan an ni. 

Joko Widodo-te hi an chak tih hriat ni tawh mah se, an khingpui Pra­bowo Subianto leh a thawh­pui Sandiaga S. Uno te chuan Constitutional Court-ah inthlan result chung­changah complaint an thehluh avangin result tihchhuah hun hi tikhawtlai a ni. 

Nimin khan KPU Chairman Arief Budiman chuan Joko Widodo leh Maaruf Amin chu inthlana hnehna changtu a nih thu a sawi. Joko Widodo hian kum 2019-2024 chhung Indonesia president dinhmun hi a chelh chhun­zawm leh dawn a ni. 

Commission chuan Widodo leh Amin hian vote tla aṭangin 55.5% an hmu pha tih a sawi a, October 20-ah lakluh a nih tur thu a sawi nghal bawk.