Pakistan-in Qatar aṭangin USD maktaduai 500 dawng

Leiba ngah avanga harsatna tawk mek, Pakistan chuan Qatar hnen aṭangin US dollar maktaduai 500 a dawng. 

State Bank of Pakistan chuan Qatar hnen aṭangin USD mtd 500 an dawn thu hi a sawi. Qatar hian June 24 khan Pakistan-in sum lama harsatna a tawh mek puihna turin USD tluklehdingawn thum invest a tum tih a lo sawi tawh a ni. 

Qatar Emir Sheikh Tamim Bin Hamad Al Thani chuan ni hnih chamin Pakistan hi a tlawh a, hemi hnu hian a thupek angin Pakistan-ah investment lian tham tak an tih tur thu  hi puan a ni. Investment an tih thar tur nen hian Qatar-Pakistan economic partnership hi USD tld 9 hu a tling dawn a ni.