Afghanistan-a US sipai zahve haw dawn : Taliban official

Talbian official chuan kumin April thla tawpah chuan Afghanistan-a US sipai dah zinga a zahve chu koh haw an ni tawh dawn tih US chuan a tiam niin a sawi a, mahse US sipaite chuan sipaite koh kir hun hi an la bithliah lo niin a sawi thung. 

Moscow-a Afghanistan sorkar leh Taliban aiawhte inbiaknaah, Taliban official Abdul Salam Hanafi chuan American officialt-te chuan tun thla aṭangin America sipaite lakkir ṭan an nih tur thu an tiam niin a sawi. 

Mahse Pentagon thu-puangtu Army Colonel Rob Manning chuan US sipaite chuan Afghanistan chhuahsan tura thupek an la hmu lo tih a sawi a, hemi rual hian inremna kawng zawnga Taliban nena inbiakna erawh neih chhunzawm zel a ni ang, a ti.