Ram 130-ah Covid-19 vaccine la dawng ve lo

United Nations Secretary-General Antonio Guterres chuan UN Security Council high level meeting an neihnaah, ram 130-in Covid-19 vaccine an la dawn ve loh thu a sawi.

Hemi chungchangah hian UN hotu Guterres chuan ram hrang hrangah Covid-19 vaccine hi a thlen kim theihna turin nasa zawka thawhho a ngai tih a sawi. Meeting-ah hian Guterres chuan tuna vaccine awm zinga 75% chu ram 10-in an thunun thu leh an duhna ramah te an supply tih a sawi bawk.

Guterres chuan vaccine hi rualkhai zawka sem a duh tih a sawi a, ram hausa zawk, G20 member ramte chu vaccine sem chhuahna kawngah ruahmanna mumal tak siam a, hma la tura a duh thu a sawi bawk a ni. Johns Hopkins tarlan danin khawvel pumah Covid-19 hri kai tawh hi mi 11,03,06,280 an awm tawh a, he hri vanga thi hi khawvel pumah mi 24,41610 an awm tawh bawk.