Perseverance rover-in Mars a thleng

National Aeronautics and Space Administration (NASA)-a Mars Exploration Program (MEP) siam Perseverance rover chuan Ningani tlai 3:55 (EST) khan Mars-a Jezero crater a thleng tih NASA chuan a tarlang. 

Nikum July 30 khan Perseverance rover hi US, Florida state-a Cape Canaveral Air Force Station hmuna Space Launch Complex 41 aṭanga Mars a zin turin kahchhuah a ni. Perseverance rover hi Mars leilunga tun hmasang huna thil thlengte zir tura tirh a ni a, hei bakah hian Mars leilung them chu khawvelah rawn keng thla thei tura beisei a ni. Mars-ah hian tun hma lamin thil nung cheng an lo awm tawh ṭhin reng em tih te leh, mihring chen theihna tur a ni em tih te chu he rover zinchhan ber hi a ni. 

Perseverance rover hi six-wheeled robotic a ni a, a len bakah a rit hle bawk. Hei hi NASA-in Mars-a an mission pakuana a ni.